NIRA oo Xarun Cusub ka Furtay Degmada Daarasalaam ee Gobolka Benaadir

NIRA oo Xarun Cusub ka Furtay Degmada Daarasalaam ee Gobolka Benaadir

Muqdisho, Soomaaliya, Octoobar 08, 2025 – Hay’adda Aqoonsiga iyo Diiwaangelinta Qaranka (NIRA) ayaa maanta xarun cusub ka daahfurtay Degmada Daarasalaam ee Gobolka Benaadir, iyada oo ay si wadajir ah xarigga uga jareen Maareeye Ku-Xigeenka Guud ee NIRA, Mudane Cabdiraxmaan Siciid Axmed, iyo Guddoomiyaha Degmada Daarasalaam, Mudane Mire Saalax Dhuxuloow.

Maareeye Ku-Xigeenka Guud ee NIRA ayaa sheegay in Hay’addu dardargelinayso furitaanka xarumo cusub si dadweynaha loogu dhaweeyo adeegyada diiwaangelinta iyo kaar-bixinta, isaga oo ku boorriyay shacabka Degmada Daarasalaam inay ka faa’iidaystaan adeegyada xarunta cusub.

Dhankiisa, Guddoomiyaha Degmada Daarasalaam ayaa Hay’adda uga mahadceliyay furitaanka xarunta, isaga oo xusay in Aqoonsiga Qaranku lagama-maarmaan u yahay helitaanka adeegyada aasaasiga ah ee hay’adaha dowladda iyo shirkadaha gaarka loo leeyahay.