𝗟𝗔𝗔𝗡𝗧𝗔 𝗛𝗔𝗬'𝗔𝗗𝗗𝗔 𝗡𝗜𝗥𝗔 𝗘𝗘 𝗚𝗔𝗟𝗠𝗨𝗗𝗨𝗚 𝗢𝗢 𝗦𝗜 𝗥𝗔𝗦𝗠𝗜 𝗔𝗛 𝗫𝗔𝗥𝗜𝗚𝗚𝗔 𝗟𝗢𝗢𝗚𝗔 𝗝𝗔𝗥𝗔𝗬

Madaxweynaha Dowlad Goboleedka Galmudug, Mudane 𝘼𝙭𝙢𝙚𝙙 𝘾𝙖𝙗𝙙𝙞 𝙆𝙖𝙖𝙧𝙞𝙮𝙚 (𝙌𝙤𝙤𝙧𝙦𝙤𝙤𝙧) oo uu weheliyo Maareeyaha Guud ee Hay’adda NIRA, Mudane 𝗖𝗮𝗯𝗱𝗶𝘄𝗲𝗹𝗶 𝗖𝗮𝗹𝗶 𝗖𝗮𝗯𝗱𝘂𝗹𝗹𝗲 (𝗧𝗶𝗺𝗮𝗰𝗮𝗱𝗱𝗲), ayaa si rasmi ah xarigga uga jaray Laanta Guud ee ay Hay'adda Aqoonsiga iyo Diiwaangelinta Qaranku (NIRA) ku yeelanayso magaalada Dhuusamareeb ee Caasimadda Dowlad Goboleedka 𝗚𝗮𝗹𝗺𝘂𝗱𝘂𝗴, iyo xarumaha magaalooyinka kale sida 𝗚𝗮𝗮𝗹𝗸𝗮𝗰𝘆𝗼, 𝗖𝗮𝗱𝗮𝗮𝗱𝗼, 𝗶𝘆𝗼 𝗖𝗮𝗮𝗯𝘂𝗱𝘄𝗮𝗮𝗾.

Madaxweyne 𝘼𝙭𝙢𝙚𝙙 𝘾𝙖𝙗𝙙𝙞 𝙆𝙖𝙖𝙧𝙞𝙮𝙚 (𝙌𝙤𝙤𝙧𝙦𝙤𝙤𝙧) oo munaasabadda ka hadlay ayaa bogaadiyay horumarka ballaaran ee ay hay’addu ku tallaabsatay muddadii ay jirtay isaga oo faahfaahiyay muhiimadda Kaarka Aqoonsiga Qaranku u leeyahay guud ahaan dalka, gaar ahaanna dadweynaha reer 𝗚𝗮𝗹𝗺𝘂𝗱𝘂𝗴.

Maareeye 𝗧𝗶𝗺𝗮𝗰𝗮𝗱𝗱𝗲 ayaa isna dhankiisa uga mahadceliyay Madaxweynaha, xukuumaddiisa, iyo guud ahaan shacabka 𝗚𝗮𝗹𝗺𝘂𝗱𝘂𝗴 sida diirran ee ay u soo dhaweeyeen iyo sida ay ugu heellan yihiin inay isu diiwaangeliyaan Kaarka Aqoonsiga Qaranka oo wax badan ka tari doona horumarka dalka, isagoo sheegay in Hay’addu ay si dakhso ah u furi doonto xarumaha dowlad goboleedyada iyo degmooyinka kale ee dalka.

Munaasabadda Xarig-jarka ayaa waxa ka soo qayb-galay masuuliyiinta ugu sarsarreysa Dowlad Goboleedka 𝗚𝗮𝗹𝗺𝘂𝗱𝘂𝗴 sida Wasiirro, Xildhibaanno, hawl-wadeennada NIRA, iyo wakiillo ka socday qaybaha kala duwan ee bulshada.

Hay'adda NIRA ayaa ku hawlan hirgelinta qorshaha baahinta Nidaamka Aqoonsiga Qaranka, iyada oo dhawaan xarigga ka jari doonta laamaha iyo xarumaha ay ku yeelanayso dowlad goboleedyada harsan oo badankooda la qalabeeyay, si looga dhabeeyo yoolka Hay'adda ee ku aaddan diiwaangelinta dhammaan dadka Soomaaliyeed.